ഓണത്തിന് ആശ്വാസ കിരണമായി സാമൂഹിക നീതി വകുപ്പിൻ്റെ 50 കോടിയുടെ സ്നേഹകൈനീട്ടം
തിരുവനന്തപുരം: കേരള സർക്കാരിന്റെ സാമൂഹ്യസുരക്ഷാ പദ്ധതിയായ ആശ്വാസകിരണത്തിൽ ഓണത്തിന് സർക്കാരിൻ്റെ സ്നേഹകൈനീട്ടം ധനസഹായം കൈമാറൽ മന്ത്രി അബ്ദുൾ ഗഫൂർ നിർവഹിച്ചു.
ദീർഘകാലമായി ഗുരുതര രോഗങ്ങൾ, ശാരീരിക-മാനസിക വെല്ലുവിളികൾ തുടങ്ങിയവ മൂലം മറ്റൊരാളുടെ സഹായത്തോടെ കഴിയുന്നവരെ പരിചരിക്കുന്ന കുടുംബങ്ങൾക്ക് സാമ്പത്തിക സഹായം നൽകുകയാണ് പദ്ധതിയുടെ ലക്ഷ്യം. പരിചരണച്ചെലവിന്റെ ഭാരം കുറയ്ക്കുന്നതിനൊപ്പം കിടപ്പുരോഗികൾക്കും ഭിന്നശേഷിക്കാർക്കും അർഹമായ പിന്തുണ ഉറപ്പാക്കുന്നതിലും പദ്ധതി നിർണായകമാണെന്ന് മന്ത്രി പറഞ്ഞു.
സമൂഹത്തിലെ ഏറ്റവും ദുര്ബല വിഭാഗങ്ങൾക്ക് സർക്കാർ നൽകുന്ന കരുതലിന്റെ ഭാഗമായാണ് ആശ്വാസകിരണം പദ്ധതി നടപ്പാക്കുന്നതെന്നും അർഹരായ എല്ലാവരിലേക്കും പദ്ധതിയുടെ ആനുകൂല്യം എത്തിക്കുന്നതിനുള്ള നടപടികൾ ശക്തമാക്കുമെന്നും മന്ത്രി വ്യക്തമാക്കി.
ചടങ്ങിൽ ജനപ്രതിനിധികളും ഉദ്യോഗസ്ഥരും സാമൂഹിക ക്ഷേമ രംഗത്തെ പ്രവർത്തകരും ഉദ്യോഗസ്ഥരും പങ്കെടുത്തു.
