സ്ത്രീകൾക്ക് കെഎസ്ആർടിസിയിൽ സൗജന്യ യാത്ര ജൂൺ 15 മുതൽ; പദ്ധതി നടപ്പാക്കുമെന്ന് ഗതാഗത മന്ത്രി
തിരുവനന്തപുരം: സംസ്ഥാനത്തെ സ്ത്രീകൾക്ക് Kerala State Road Transport Corporation ബസുകളിൽ സൗജന്യ യാത്ര പദ്ധതി ജൂൺ 15 മുതൽ നടപ്പിലാക്കുമെന്ന് ഗതാഗത മന്ത്രി C. P. John അറിയിച്ചു. പദ്ധതിയുടെ നടത്തിപ്പുമായി ബന്ധപ്പെട്ട് യാതൊരു അവ്യക്തതയും ഇല്ലെന്നും വിശദമായ പഠനങ്ങൾ പുരോഗമിക്കുകയാണെന്നും മന്ത്രി പറഞ്ഞു.
സ്വകാര്യ ബസ് ജീവനക്കാർക്കും ഓപ്പറേറ്റർമാർക്കും ബുദ്ധിമുട്ട് ഉണ്ടാകാത്ത രീതിയിലായിരിക്കും പദ്ധതി നടപ്പാക്കുകയെന്ന് മന്ത്രി വ്യക്തമാക്കി. കെഎസ്ആർടിസി തൊഴിലാളി യൂണിയനുകളുമായി സർക്കാരിന് തർക്കങ്ങളില്ലെന്നും, വിഷയത്തിൽ കെഎസ്ആർടിസി സി.എം.ഡിയുമായി കൂടുതൽ ചർച്ചകൾ നടക്കുമെന്നും അദ്ദേഹം കൂട്ടിച്ചേർത്തു. സ്വകാര്യ ബസ് ഓപ്പറേറ്റർമാരുമായും കൂടിക്കാഴ്ച നടത്തും.
അതേസമയം, സൗജന്യ യാത്ര ഓർഡിനറി ബസുകളിൽ മാത്രമായിരിക്കുമോ എന്ന കാര്യത്തിൽ ഇതുവരെ വ്യക്തത വന്നിട്ടില്ല. മുഴുവൻ ബസുകളിലും പദ്ധതി നടപ്പിലാക്കിയാൽ പ്രതിമാസം 112 കോടി രൂപയുടെ അധികബാധ്യത ഉണ്ടാകുമെന്നാണ് റിപ്പോർട്ട്. ഓർഡിനറി ബസുകളിൽ മാത്രം പദ്ധതി നടപ്പിലാക്കിയാൽ 57 കോടി രൂപയുടെ ബാധ്യതയാകും സർക്കാരിന് ഏറ്റെടുക്കേണ്ടി വരിക.
തിരഞ്ഞെടുപ്പ് പ്രചാരണത്തിനിടെ യു.ഡി.എഫ് മുന്നോട്ടുവച്ച പ്രധാന വാഗ്ദാനങ്ങളിലൊന്നായിരുന്നു സ്ത്രീകൾക്ക് കെഎസ്ആർടിസിയിൽ സൗജന്യ യാത്ര അനുവദിക്കുക എന്നത്.
പദ്ധതി നടപ്പാക്കുന്നതുമായി ബന്ധപ്പെട്ട് സർക്കാർ ഉന്നത ഉദ്യോഗസ്ഥരുടെ യോഗവും ചേർന്നിരുന്നു. നിലവിൽ ഓർഡിനറി, ലിമിറ്റഡ് സ്റ്റോപ്പ്, ഫാസ്റ്റ് പാസഞ്ചർ ബസുകളിൽ സൗജന്യ യാത്ര അനുവദിക്കുന്നതിനെക്കുറിച്ചാണ് സർക്കാർ ആലോചിക്കുന്നത്.
കെഎസ്ആർടിസിയിൽ പ്രതിദിനം ഏകദേശം 12 ലക്ഷം സ്ത്രീ യാത്രക്കാരാണ് യാത്ര ചെയ്യുന്നതെന്നാണ് കണക്ക്.
