എൻസിപിയിൽ ഭിന്നത രൂക്ഷം; തോമസ് കെ. തോമസിനെ അധ്യക്ഷ സ്ഥാനത്ത് നിന്ന് നീക്കണമെന്ന് ചാക്കോ പക്ഷം

കൊച്ചി: Nationalist Congress Party സംസ്ഥാന അധ്യക്ഷ സ്ഥാനത്ത് നിന്ന് Thomas K. Thomasനെ നീക്കണമെന്ന ആവശ്യവുമായി പി.സി. ചാക്കോ പക്ഷം രംഗത്ത്. കൊച്ചിയിൽ ചേർന്ന ചാക്കോ അനുകൂലികളുടെ യോഗത്തിലാണ് തോമസ് കെ. തോമസിനെ അധ്യക്ഷ പദവിയിൽ നിന്ന് മാറ്റണമെന്ന പ്രമേയം ഐകകണ്ഠ്യേന പാസാക്കിയത്.

ഈ ആവശ്യം ദേശീയ നേതൃത്വത്തെ നേരിട്ട് അറിയിക്കുന്നതിനായി P. C. Chacko ഞായറാഴ്ച ദേശീയ അധ്യക്ഷൻ Sharad Pawarയെ കാണും.

തിരഞ്ഞെടുപ്പിൽ മത്സരിച്ച മൂന്ന് സീറ്റുകളിലും പാർട്ടി പരാജയപ്പെടുകയും നിയമസഭാ പ്രാതിനിധ്യം നഷ്ടമാവുകയും ചെയ്തതിന്റെ പൂർണ്ണ ഉത്തരവാദിത്തം സംസ്ഥാന അധ്യക്ഷനാണെന്ന് ചൂണ്ടിക്കാട്ടിയാണ് പ്രമേയം അവതരിപ്പിച്ചത്. യോഗത്തിൽ പങ്കെടുത്ത 42 പേരും പ്രമേയത്തെ അനുകൂലിച്ചതായാണ് വിവരം.

തോമസ് കെ. തോമസിന് പകരം പി.സി. ചാക്കോ തന്നെ വീണ്ടും സംസ്ഥാന അധ്യക്ഷനാകണമെന്ന വികാരവും യോഗത്തിൽ ശക്തമായി ഉയർന്നു. എന്നാൽ, ചാക്കോ സ്ഥാനം ഏറ്റെടുക്കാൻ തയ്യാറായില്ലെങ്കിൽ അദ്ദേഹം നിർദേശിക്കുന്ന മറ്റൊരാളെ അധ്യക്ഷനാക്കാനാണ് ധാരണ. അത്തരമൊരു സാഹചര്യത്തിൽ P. M. Suresh Babuവിനാണ് കൂടുതൽ സാധ്യത കൽപ്പിക്കപ്പെടുന്നത്.

യോഗത്തിൽ മുന്നണി മാറ്റത്തെക്കുറിച്ചും ചർച്ചകൾ ഉയർന്നെങ്കിലും, നിലവിൽ മുന്നണി മാറ്റമില്ലെന്നായിരുന്നു പി.സി. ചാക്കോയുടെ വിശദീകരണം.

അതേസമയം, പാർട്ടിയിലെ ഭിന്നത രൂക്ഷമായ പശ്ചാത്തലത്തിൽ A. K. Saseendran പക്ഷം നാളെ കോഴിക്കോട്ട് അടിയന്തര യോഗം ചേരും. ഔദ്യോഗിക വിഭാഗം പുതിയ പാർട്ടി രൂപീകരിക്കാൻ നീങ്ങിയാൽ അതിനെ ശക്തമായി പ്രതിരോധിക്കാനാണ് ചാക്കോ പക്ഷത്തിന്റെ തീരുമാനം.

ഇടതുമുന്നണിയിലെ മറ്റ് ചില ചെറുപാർട്ടികളുമായി ചേർന്ന് പുതിയ രാഷ്ട്രീയ പാർട്ടി രൂപീകരിക്കാനാണ് ശശീന്ദ്രൻ പക്ഷം ആലോചിക്കുന്നതെന്ന സൂചനകളും പുറത്തുവരുന്നുണ്ട്.