ബലിപെരുന്നാൾ: കേരളത്തിൽ മേയ് 27നും 28നും പൊതുഅവധി പ്രഖ്യാപിച്ചു
തിരുവനന്തപുരം: ബലിപെരുന്നാൾ പ്രമാണിച്ച് കേരളത്തിൽ മേയ് 27നും 28നും പൊതുഅവധി പ്രഖ്യാപിച്ചു. മാസപ്പിറവി കാണാത്ത സാഹചര്യത്തിലാണ് സർക്കാർ രണ്ട് ദിവസവും അവധിയായി പ്രഖ്യാപിച്ചത്.
കലണ്ടർ പ്രകാരം മേയ് 27നായിരുന്നു ബലിപെരുന്നാൾ അവധി നിശ്ചയിച്ചിരുന്നത്. എന്നാൽ മാസപ്പിറവി ദൃശ്യമാകാതിരുന്നതിനാൽ പെരുന്നാൾ ആഘോഷം മേയ് 28ലേക്ക് മാറുകയായിരുന്നു. ഇതോടെ പൊതുജനങ്ങളുടെയും ജീവനക്കാരുടെയും സൗകര്യം പരിഗണിച്ച് രണ്ട് ദിവസവും പൊതുഅവധി പ്രഖ്യാപിച്ച് സർക്കാർ ഉത്തരവിറക്കി.
ബാങ്കുകൾ, സർക്കാർ സ്ഥാപനങ്ങൾ, വിദ്യാഭ്യാസ സ്ഥാപനങ്ങൾ ഉൾപ്പെടെ എല്ലാ സർക്കാർ നിയന്ത്രിത സ്ഥാപനങ്ങൾക്കും അവധി ബാധകമായിരിക്കും.
രണ്ടുദിവസത്തെ അവധി പ്രഖ്യാപനം സംസ്ഥാനത്തെ വിവിധ മേഖലകളിലെ പ്രവർത്തനക്രമങ്ങളിലും മാറ്റങ്ങൾക്ക് ഇടയാക്കും.
