മാധ്യമങ്ങളോട് ഇനി ബുധനാഴ്ച മാത്രം പ്രതികരണം; ആവശ്യമെങ്കിൽ മുൻകൂട്ടി അറിയിക്കുമെന്ന് മുഖ്യമന്ത്രിയുടെ ഓഫീസ്
മാധ്യമങ്ങളോടുള്ള പ്രതികരണത്തിന് പുതിയ ക്രമീകരണവുമായി മുഖ്യമന്ത്രിയുടെ ഓഫീസ്. ഇനി മുതൽ ബുധനാഴ്ചകളിൽ മാത്രമായിരിക്കും മാധ്യമങ്ങളോട് മുഖ്യമന്ത്രി പ്രതികരിക്കുക. പ്രത്യേക സാഹചര്യങ്ങളിൽ മറ്റ് ദിവസങ്ങളിൽ പ്രതികരണം ആവശ്യമാണെങ്കിൽ മുൻകൂട്ടി അറിയിക്കുമെന്നും മുഖ്യമന്ത്രിയുടെ ഓഫീസ് വ്യക്തമാക്കി.
മുഖ്യമന്ത്രിയുടെ ഔദ്യോഗിക പരിപാടികൾക്കും മാധ്യമ ഇടപെടലുകൾക്കും കൂടുതൽ ക്രമീകരണം കൊണ്ടുവരുന്നതിന്റെ ഭാഗമായാണ് പുതിയ തീരുമാനം. ബുധനാഴ്ചകളിലെ പ്രതികരണത്തിനായി മാധ്യമങ്ങൾക്ക് ആവശ്യമായ വിവരങ്ങൾ മുൻകൂട്ടി അറിയിക്കുമെന്നും വ്യക്തമാക്കിയിട്ടുണ്ട്.
