അങ്ങനെ ആ റെക്കോഡും സ്വന്തമാക്കി സഞ്ജു സാംസണ്
ട്വന്റി 20 ലോകകപ്പില് തകര്പ്പന് ബാറ്റിംഗിലൂടെ പ്ലെയര് ഓഫ് ദി ടൂര്ണമെന്റ് പുരസ്കാരം സ്വന്തമാക്കിയിരുന്നു മലയാളി താരം സഞ്ജു സാംസണ്. തൊട്ടുപിന്നാലെ ആരംഭിച്ച ഐപിഎല് സീസണില് തന്റെ പുതിയ ടീമായ ചെന്നൈ സൂപ്പര് കിംഗ്സിന് വേണ്ടി നാലാം മത്സരത്തില് സെഞ്ച്വറി നേടാനും താരത്തിന് കഴിഞ്ഞിരുന്നു. ലോകകപ്പിലെ തകര്പ്പന് പ്രകടനവും ഐപിഎല്ലിലെ ചെന്നൈക്കായുള്ള സെഞ്ച്വറിയും സഞ്ജുവിന്റെ ആരാധകരുടെ എണ്ണത്തിലും വലിയ വര്ദ്ധനവാണ് രേഖപ്പെടുത്തുന്നത്.
ഡല്ഹിക്ക് എതിരെ നേടിയ സെഞ്ച്വറിക്ക് പിന്നാലെ സമൂഹമാദ്ധ്യമ പ്ലാറ്റ്ഫോമായ ഇന്സ്റ്റഗ്രാമില് താരത്തെ പിന്തുടരുന്നവരുടെ എണ്ണവും കുതിച്ചുയര്ന്നു. ഇന്സ്റ്റഗ്രാമില് ഏറ്റവും കൂടുതല് ഫോളോവേഴ്സുള്ള മലയാളിയായി സഞ്ജു സാംസണ് മാറി. 2026 ഏപ്രില് 13ലെ കണക്കുപ്രകാരം, 19 ദശലക്ഷം (1.9 കോടി) പേരാണ് സഞ്ജുവിനെ പിന്തുടരുന്നത്.
മലയാളികളില് മുന്നിലായിരുന്ന നടി കീര്ത്തി സുരേഷിനെയാണ് സഞ്ജു പിന്തള്ളിയത്.1.88 കോടി ഫോളോവേഴ്സാണ് കീര്ത്തിക്കുണ്ടായിരുന്നത്. നടി അനുപമ പരമേശ്വരന് (16.6 ദശലക്ഷം), നടന് ദുല്ഖര് സല്മാന് (15.9 ദശലക്ഷം), നടന് ടൊവിനോ തോമസ് (8.6 ദശലക്ഷം) എന്നിവരാണ് ആദ്യ അഞ്ച് സ്ഥാനങ്ങളിലുള്ള മറ്റുള്ളവര്. സൂപ്പര് താരങ്ങളായ മമ്മൂട്ടിക്കും മോഹന്ലാലിനും യഥാക്രമം 5.1 ദശലക്ഷം, 6.4 ദശലക്ഷം ഫോളോവേഴ്സാണുള്ളത്.
