മുല്ലപ്പെരിയാർ വിഷയം വീണ്ടും ചൂട് പിടിക്കുന്നു; പുതിയ അണക്കെട്ടിന് എതിര് നിലപാടിൽ തമിഴ്നാട്, ആശങ്കയിൽ കേരളം

ഇടുക്കി: മുല്ലപ്പെരിയാർ അണക്കെട്ടുമായി ബന്ധപ്പെട്ട വിവാദം വീണ്ടും ശക്തമാകുന്നു. പുതിയ അണക്കെട്ട് പണിയാൻ അനുവദിക്കില്ലെന്നും ജലനിരപ്പ് 152 അടിയാക്കി ഉയർത്തുമെന്നും തമിഴ്നാട് സർക്കാരിന്റെ നിലപാട് പെരിയാർ തീരവാസികളിൽ ആശങ്ക വർധിപ്പിക്കുന്നതായി മുല്ലപ്പെരിയാർ സമര സമിതി ആരോപിച്ചു.

സുപ്രീം കോടതി നിർദ്ദേശിച്ച കോംപ്രഹെൻസീവ് ഡാം സേഫ്റ്റി ഇവാലുവേഷൻ ഉടൻ നടത്തണമെന്ന് സമര സമിതി ആവശ്യപ്പെട്ടു. പുതിയ ഡാം നിർമ്മാണത്തിൽ ഇരു സംസ്ഥാനങ്ങളും ധാരണയിലെത്തണമെന്നും, ഈ വിഷയത്തിൽ മുഖ്യമന്ത്രി V. D. Satheesanനെ നേരിൽ കാണുമെന്നും സമര സമിതി കൺവീനർ ഷാജി പി. ജോസഫ് അറിയിച്ചു.

സംസ്ഥാന ബജറ്റിൽ പുതിയ അണക്കെട്ടിനെക്കുറിച്ച് പരാമർശമില്ലാത്തത് നിരാശജനകമാണെന്നും അദ്ദേഹം വിമർശിച്ചു. അതേസമയം തമിഴ്നാട് സർക്കാരിന്റെ നയപ്രഖ്യാപനത്തിൽ പുതിയ അണക്കെട്ട് അനുവദിക്കില്ലെന്നും നിലവിലെ അറ്റകുറ്റപ്പണികൾ തുടരണമെന്നും വ്യക്തമാക്കിയതായി റിപ്പോർട്ടുണ്ട്.

മുല്ലപ്പെരിയാർ വിഷയത്തിൽ സർക്കാരുകൾ മാറിയാലും നിലപാടുകളിൽ മാറ്റമില്ലാത്ത തമിഴ്നാടിന്റെ സമീപനം കേരളത്തിന്റെ ആശങ്ക വർധിപ്പിക്കുന്നതായും സമര സമിതി ആരോപിക്കുന്നു. സുപ്രീം കോടതി അനുമതി നൽകിയിട്ടും ജലനിരപ്പ് 152 അടിയായി ഉയർത്താൻ കേരളം അനുവദിക്കുന്നില്ലെന്ന നിലപാടാണ് തമിഴ്നാട് തുടരുന്നത്. വിഷയത്തിൽ നിയമസഭാ സമ്മേളനത്തിന് ശേഷം ചർച്ച നടത്തുമെന്ന് മുഖ്യമന്ത്രി അറിയിച്ചിട്ടുണ്ടെങ്കിലും നയപ്രഖ്യാപനം വീണ്ടും രാഷ്ട്രീയ വിവാദങ്ങൾക്ക് വഴിവെക്കുകയാണ്.