മലയാളി യുവതിയും മകളും ഷാർജയിൽ മരിച്ചനിലയിൽ; മൃതദേഹങ്ങൾ കണ്ടത് ഫ്ലാറ്റിൽ

ഷാർജ: യുഎഇയിലെ ഷാർജയിൽ മലയാളി യുവതിയും അഞ്ചുവയസുകാരിയായ മകളും മരിച്ച നിലയിൽ കണ്ടെത്തി. കണ്ണൂർ അഴീക്കോട് പുതിയകാവ് ആർഷ അഷിത ഭവനിൽ Aarsha Ashita (35)യും മകൾ Ruhhiയുമാണ് മരിച്ച നിലയിൽ കണ്ടെത്തിയത്.

ഭർത്താവ് നിഹാലിനൊപ്പം ഷാർജയിലെ അൽ നഹ്ദയിൽ സഹാറ മാളിന് സമീപമുള്ള ഫ്ലാറ്റിലായിരുന്നു ഇവർ താമസിച്ചിരുന്നത്. ഏതാനും വർഷങ്ങളായി ഇവർ യുഎഇയിൽ സ്ഥിരതാമസക്കാരായിരുന്നു. ആർഷ ഓൺലൈൻ ബിസിനസ് നടത്തിവരികയായിരുന്നു.

മരണകാരണം വ്യക്തമല്ല. സംഭവസ്ഥലത്ത് പൊലീസ് അന്വേഷണം ആരംഭിച്ചിട്ടുണ്ട്. നിഹാലിന്റെ കുടുംബാംഗങ്ങളും യുഎഇയിൽ താമസിക്കുന്നുണ്ടെന്നാണ് വിവരം. ആർഷയുടെ സഹോദരിയും സമീപ ഫ്ലാറ്റിലാണ് താമസിക്കുന്നത്.

സംഭവത്തിന്റെ കൂടുതൽ വിവരങ്ങൾ അധികൃതർ പുറത്തുവിട്ടിട്ടില്ല. അന്വേഷണം പുരോഗമിക്കുകയാണ്.