ഇന്ത്യ-പാക് സംഘർഷം; IPL മത്സരങ്ങൾ അനിശ്ചിത കാലത്തേക്ക് റദ്ദാക്കി BCCI
അതിര്ത്തിയിലെ ഇന്ത്യ-പാകിസ്താന് സംഘര്ഷങ്ങളുടെ പശ്ചാത്തലത്തില് ഐപിഎല് മത്സരങ്ങള് നിര്ത്തിവെക്കാന് ബിസിസിഐ തീരുമാനിച്ചു. കളിക്കാരുടെയും കാണികളുടെയും സുരക്ഷ കണക്കിലെടുത്താണ് തീരുമാനം. പഹല്ഗാം ഭീകരാക്രമണത്തിന് മറുപടിയായി ഇന്ത്യ നടത്തിയ ഓപ്പറേഷന് സിന്ദൂര് സൈനിക നടപടിക്ക് ശേഷം അതിര്ത്തിയില് ഇന്നലെ രാത്രി നടന്ന ഇന്ത്യ-പാക് സംഘർഷം ക്രിക്കറ്റ് ലോകത്തെയും പിടിച്ചുകുലുക്കിയിരുന്നു
ഐപിഎല്ലില് ഇന്നലെ ഹിമാചല്പ്രദേശിലെ ധരംശാലയില് നടന്ന പഞ്ചാബ് കിംഗ്സ്-ഡല്ഹി ക്യാപ്റ്റല്സ് മത്സരം അതിര്ത്തിയിലെ സംഘര്ഷത്തെത്തുടര്ന്ന് പൂര്ത്തിയാക്കാനാവാതെ ഉപേക്ഷിച്ചിരുന്നു. ഡൽഹിക്കെതിരെ പഞ്ചാബ് ബാറ്റിംഗ് തുടരവെ മാച്ച് ഒഫീഷ്യൽസിന് അതിർത്തി ജില്ലകളിലെ പാക് ആക്രമണത്തിന്റെ അറിയിപ്പ് ലഭിച്ചത്. പിന്നാലെ ഗ്രൗണ്ടിലെ ഫ്ലഡ് ലൈറ്റുകൾ ഓഫായി. ഉടൻ മത്സരവും നിർത്തിവച്ചു.
ഈ സമയം മത്സരം കാണാനായി പതിനായിരക്കണക്കിന് ക്രിക്കറ്റ് ആരാധകർ സ്റ്റേഡിയത്തിലുണ്ടായിരുന്നു. ഇന്ത്യ-പാകിസ്താന് സംഘര്ഷങ്ങളുടെ പശ്ചാത്തലത്തില് വിദേശകളിക്കാരെല്ലാം സുരക്ഷയില് ആശങ്ക പ്രകടിപ്പിച്ചിരുന്നു. സ്വന്തം രാജ്യത്തേക്ക് മടങ്ങാന് പലരും അനുമതി ചോദിക്കുകയും ചെയ്തിരുന്നു. ഐപിഎല് പ്ലേ ഓഫിന് മുമ്പ് ഇനി 12 മത്സരങ്ങള് കൂടി പൂര്ത്തിയാക്കാനുണ്ട്. ഇതിനിടെയാണ് നിര്ണായക തീരുമാനത്തിന് ബിസിസിഐ ഒരുങ്ങിയത്.
ധരംശാല വിമാനത്താവളം അടച്ചു; മുംബൈ ഇന്ത്യൻസ്-പഞ്ചാബ് കിങ്സ് മത്സരം അഹമ്മദാബാദിലേക്ക് മാറ്റി
