ഡൽഹി സമരത്തെ പിന്തുണച്ച ടോവിനോ; ഒപ്പമെന്ന് പ്രഖ്യാപിച്ച് ഡിവൈഎഫ്ഐ
ടോവിനോ തോമസിന് ഐക്യദാർഢ്യവുമായി ഡിവൈഎഫ്ഐ. ഇരിങ്ങാലക്കുട ബ്ലോക്ക് കമ്മിറ്റി പ്രവർത്തകർ പ്രകടനമായി എത്തിയാണ് നടന് പിന്തുണ പ്രഖ്യാപിച്ചത്. ഡൽഹി സമരത്തെ പിന്തുണച്ചത്തിന്റെ പേരിൽ യുവമോർച്ച പ്രവർത്തകർ നടൻറെ വീടിനു മുന്നിലെത്തി പ്രതിഷേധിച്ചിരുന്നു. ഇതിന് പിന്നാലെയാണ് പ്രകടനമായി എത്തി ഡിവൈഎഫ്ഐ നടന് പിന്തുണ പ്രഖ്യാപിച്ചത്.
കേരളത്തിലെ പിഎസ്സി റാങ്കിലുള്ളവര് മണ്ണ് വാരിത്തിന്ന് പ്രതിഷേധിച്ചിട്ടും കേരളത്തിലെ നഴ്സുമാര് മാസങ്ങളോളം സമരം ചെയ്തിട്ടും വായ തുറക്കാത്ത ആളാണ് ടൊവിനോയെന്ന് പ്രതിഷേധക്കാര് ആരോപിച്ചു. രാഷ്ട്രീയം ഇല്ലെന്ന് പറയുന്ന നടന് വീണ്ടും രാഷ്ട്രീയം നോക്കി വാ തുറന്ന് തുടങ്ങിയെന്നാണ് പ്രതിഷേധക്കാരുടെ ബാനറില് എഴുതിയിരിക്കുന്നത്. കേരളത്തിലെ പിന്വാതില് നിയമനങ്ങളെക്കുറിച്ച് എന്തുകൊണ്ട് നടന് ഒരക്ഷരം മിണ്ടിയില്ലെന്നും യുവമോര്ച്ച പ്രവര്ത്തകര് ചോദിച്ചു.
അതേസമയം, ഡൽഹി സിജെപി സമരത്തിന് പിന്തുണ പ്രഖ്യാപിച്ച് ഡിവൈഎഫ്ഐ നടത്തിയ മാർച്ചിൽ ഗുരുവായൂരിൽ നേരിയ സംഘർഷം ഉണ്ടായി.റെയിൽവേ സ്റ്റേഷനിലേക്ക് നടത്തിയ മാർച്ച് പൊലീസ് ബാരിക്കേഡ് വച്ച് തടഞ്ഞു. ബാരിക്കേഡ് മറികടക്കാൻ പ്രവർത്തകർ ശ്രമിച്ചതോടെ പൊലീസുമായി നേരിയ ഉന്തും തള്ളും ഉണ്ടായി.
