തലയിൽ പായസം വീണ സംഭവം; ‘അസ്വാഭാവികമായി ഒന്നുമില്ല’, അന്വേഷണം വേണ്ടെന്ന് മന്ത്രി ബിന്ദു കൃഷ്ണ
തിരുവനന്തപുരം: കെഎസ്ആർടിസിയിലെ സൗജന്യ യാത്രയുടെ ഉദ്ഘാടന ചടങ്ങിനിടെ തലയിൽ ചൂട് പായസം വീണ സംഭവത്തിൽ അന്വേഷണം പ്രഖ്യാപിച്ചതിന് പിന്നാലെ പ്രതികരണവുമായി മന്ത്രി Bindu Krishna. സംഭവത്തിൽ അസ്വാഭാവികമായി ഒന്നും ഉണ്ടായിട്ടില്ലെന്നും അന്വേഷണം ആവശ്യമില്ലെന്നും മന്ത്രി വ്യക്തമാക്കി.
“പായസം തലയിൽ വീണതിൽ അസ്വാഭാവികമായി ഒന്നുമില്ല. വീഡിയോ കണ്ട ലോകമെമ്പാടുമുള്ള ആളുകൾക്കും അത് മനസ്സിലാകും. ഒരു ആളിക്കൂട്ടത്തിൽ സംഭവിക്കാൻ സാധ്യതയുള്ള കാര്യമാണ് നടന്നത്. ഇതിൽ എനിക്ക് പരാതിയില്ല,” എന്നാണ് മന്ത്രിയുടെ പ്രതികരണം.
സന്തോഷം പങ്കിടാൻ കൊണ്ടുവന്ന പായസം കൈതട്ടി അബദ്ധത്തിൽ തലയിൽ വീണതാണെന്നും പൊലീസിൽ പരാതി ലഭിച്ചാൽ മാത്രമേ അന്വേഷണം ആവശ്യമുള്ളുവെന്നും മന്ത്രി പറഞ്ഞു. അന്വേഷണം വേണ്ടെന്നാവശ്യപ്പെട്ട് ഡിജിപിക്ക് കത്ത് നൽകിയതായും അവർ അറിയിച്ചു.
Kerala State Road Transport Corporationയുടെ കൊല്ലം ഡിപ്പോയിൽ ‘പ്രിയദർശിനി’ യാത്ര ഉദ്ഘാടനം ചെയ്ത ശേഷം ബസിൽ യാത്ര ചെയ്യുന്നതിനിടെയായിരുന്നു സംഭവം. യൂത്ത് കോൺഗ്രസ് ജില്ലാ അധ്യക്ഷന്റെ നേതൃത്വത്തിൽ നടന്ന പായസ വിതരണത്തിനിടെയാണ് ബസിനുള്ളിലെ തിരക്കിൽ പായസം നിറച്ച പാത്രം അബദ്ധത്തിൽ മന്ത്രിയുടെ ദേഹത്തേക്ക് മറിഞ്ഞത്.
സംഭവത്തിന് പിന്നാലെ കൂടെയുണ്ടായിരുന്നവർ ഷാളും മറ്റും ഉപയോഗിച്ച് മന്ത്രിയുടെ മുഖവും തലയും വൃത്തിയാക്കി. തുടർന്ന് ചിന്നക്കടവ് വരെ ബസിൽ യാത്ര ചെയ്ത മന്ത്രി പിന്നീട് ഫ്ലാറ്റിലെത്തി കുളിച്ച് വസ്ത്രം മാറിയ ശേഷമാണ് ഔദ്യോഗിക പരിപാടികളിൽ പങ്കെടുത്തത്. സംഭവത്തിൽ മന്ത്രിക്ക് പൊള്ളലേറ്റിട്ടില്ലെന്നാണ് വിവരം.
