സ്റ്റാലിനെ നേരിൽ കണ്ടു വിജയ്; ഉദയനിധിയോടൊപ്പം സ്വീകരണം, സൗഹൃദ കൂടിക്കാഴ്ചയുടെ ചിത്രങ്ങൾ വൈറൽ
ചെന്നൈ: തമിഴ്നാട് മുഖ്യമന്ത്രിയായി സത്യപ്രതിജ്ഞ ചെയ്തതിന് പിന്നാലെ മുൻ മുഖ്യമന്ത്രി എം കെ സ്റ്റാലിൻനെ സന്ദർശിച്ച് വിജയ്. സ്റ്റാലിന്റെ വസതിയിലെത്തിയായിരുന്നു നിർണായക കൂടിക്കാഴ്ച.
സ്റ്റാലിനും മകൻ ഉദയനിധി സ്റ്റാലിൻയും ചേർന്നാണ് വിജയ്യെ സ്വീകരിച്ചത്. വിജയ് എത്തിയപ്പോൾ ഉദയനിധി ഹസ്തദാനം ചെയ്തും ആലിംഗനം ചെയ്തുമായിരുന്നു വരവേൽപ്പ്. പിന്നാലെ സ്റ്റാലിനും വിജയ്യെ ആലിംഗനം ചെയ്തു.
കൂടിക്കാഴ്ചയുടെ ചിത്രങ്ങൾ സ്റ്റാലിൻ തന്റെ സോഷ്യൽ മീഡിയ അക്കൗണ്ടിലൂടെ പങ്കുവച്ചു. കൂടിക്കാഴ്ചയ്ക്കിടെ ഇരു നേതാക്കളും പൊന്നാടയും പൂച്ചെണ്ടുകളും കൈമാറി സൗഹൃദം പങ്കിട്ടു.
തമിഴ്നാട്ടിലെ വിവിധ പാർട്ടികളിലെ മുതിർന്ന നേതാക്കളുമായി വിജയ് ഇന്ന് കൂടിക്കാഴ്ച നടത്തുമെന്ന വിവരം നേരത്തെ പുറത്തുവന്നിരുന്നു. എല്ലാവരെയും നേരിട്ട് വസതിയിലെത്തി കാണാനാണ് ടിവികെ നേതൃത്വത്തിന്റെ തീരുമാനം.
തിരുമാവളവൻ, വൈക്കോ എന്നിവരെയും വിജയ് സന്ദർശിക്കുമെന്നാണ് റിപ്പോർട്ടുകൾ. അതേസമയം, എഐഎഡിഎംകെ നേതൃത്വവുമായി കൂടിക്കാഴ്ച ഉണ്ടാകുമോ എന്നതിൽ ഇപ്പോഴും അനിശ്ചിതത്വം തുടരുന്നു.
അനുഗ്രഹം തേടുന്നതിനൊപ്പം ഭരണനിർവഹണവുമായി ബന്ധപ്പെട്ട നിർദേശങ്ങളും അഭിപ്രായങ്ങളും തേടാനാണ് വിജയ് മുതിർന്ന നേതാക്കളെ സന്ദർശിക്കുന്നതെന്നാണ് ടിവികെ വൃത്തങ്ങൾ വ്യക്തമാക്കുന്നത്.
കഴിഞ്ഞ ദിവസമാണ് വിജയ് തമിഴ്നാട് മുഖ്യമന്ത്രിയായി സത്യപ്രതിജ്ഞ ചെയ്തത്. ജവഹർലാൽ നെഹ്റു സ്റ്റേഡിയം വേദിയായ ചടങ്ങിൽ രാഷ്ട്രീയ-സിനിമാ രംഗത്തെ പ്രമുഖർ പങ്കെടുത്തു. ചടങ്ങിൽ രാഹുൽ ഗാന്ധിയുടെ സാന്നിധ്യവും ശ്രദ്ധേയമായിരുന്നു.
