“ജനഹിതം ശരിയുടെ പക്ഷത്ത്; ജനങ്ങളുടെ പൾസ് തിരിച്ചറിയുന്നതാണ് യഥാർത്ഥ രാഷ്ട്രീയം”വി എസ് അച്യുതാനന്ദന്റെ മകൻ
തിരുവനന്തപുരം: പ്രസ്ഥാനങ്ങൾ സാധാരണക്കാരന്റെ നീതിക്കും അഴിമതിക്കെതിരായ പോരാട്ടങ്ങൾക്കും മുൻഗണന നൽകിയിരുന്ന പഴയ കരുത്തിലേയ്ക്ക് മടങ്ങേണ്ട സമയം അതിക്രമിച്ചിരിക്കുകയാണെന്ന് V. A. Arun Kumar. അന്തരിച്ച മുൻ മുഖ്യമന്ത്രി V. S. Achuthanandanയുടെ മകനും ഐഎച്ച്ആർഡി ഡയറക്ടറുമായ അരുൺ കുമാർ ഫേസ്ബുക്കിലൂടെയാണ് പ്രതികരണം പങ്കുവച്ചത്.
നിയമസഭാ തിരഞ്ഞെടുപ്പിൽ എൽഡിഎഫ് നേരിട്ട ദയനീയ തോൽവിക്ക് പിന്നാലെയാണ് അദ്ദേഹത്തിന്റെ പ്രതികരണം. ജനഹിതം എപ്പോഴും ശരിയുടെ പക്ഷത്തായിരിക്കുമെന്നും അദ്ദേഹം കുറിച്ചു.
അച്യുതാനന്ദന്റെ സാന്നിധ്യമില്ലാത്ത ആദ്യ നിയമസഭാ തിരഞ്ഞെടുപ്പാണിതെന്നും ഓരോ രാഷ്ട്രീയ സംഭവങ്ങളെയും ജനപക്ഷത്തിൽ നിന്ന് വിലയിരുത്തിയിരുന്ന അദ്ദേഹത്തിന്റെ ശബ്ദം ഇന്ന് ഇല്ലാത്തത് വലിയ നഷ്ടമാണെന്നും അരുൺ കുമാർ വ്യക്തമാക്കി. ജനങ്ങളുടെ പൾസ് തിരിച്ചറിയുന്നതാണ് യഥാർത്ഥ രാഷ്ട്രീയമെന്നായിരുന്നു അച്യുതാനന്ദന്റെ വിശ്വാസമെന്നും അദ്ദേഹം ഓർമ്മിപ്പിച്ചു.
പ്രസ്ഥാനങ്ങൾ അവരുടെ വേരുകളിലേക്ക് മടങ്ങി സാധാരണക്കാരുടെ പ്രശ്നങ്ങൾ, പരിസ്ഥിതി സംരക്ഷണം, അഴിമതിക്കെതിരായ പോരാട്ടം എന്നിവയിൽ കൂടുതൽ ശ്രദ്ധ കേന്ദ്രീകരിക്കണമെന്നും അരുൺ കുമാർ അഭിപ്രായപ്പെട്ടു.
