തൃക്കാക്കരയിൽ അഖിൽ മാരാർക്ക് വമ്പൻ തോൽവി

തൃക്കാക്കര: നിയമസഭാ തിരഞ്ഞെടുപ്പ് വോട്ടെണ്ണൽ പുരോഗമിക്കെ തൃക്കാക്കര മണ്ഡലത്തിൽ എൻഡിഎ സ്ഥാനാർത്ഥി അഖിൽ മാരാറിന് കനത്ത തോൽവി. നിലവിൽ ലഭ്യമായ കണക്കുകൾ പ്രകാരം 13,251 വോട്ടുകൾ മാത്രമാണ് അദ്ദേഹത്തിന് നേടാനായത്.

സിറ്റിംഗ് എംഎൽഎയും യുഡിഎഫ് സ്ഥാനാർത്ഥിയുമായ ഉമ തോമസ് 28,675 വോട്ടുകളുടെ വൻ ലീഡോടെ മുന്നിലാണ്. എൽഡിഎഫ് സ്ഥാനാർത്ഥി അഡ്വ. പുഷ്പ ദാസ് ഏകദേശം 18,000 വോട്ടുകളോടെ രണ്ടാം സ്ഥാനത്ത് തുടരുന്നു.

കൊച്ചി നഗരസഭയിലെ വിവിധ വാർഡുകളും തൃക്കാക്കര നഗരസഭയും ഉൾപ്പെടുന്ന ഈ മണ്ഡലം, നഗരവികസനത്തിനൊപ്പം അതിവേഗം വളരുന്ന ഉപനഗരമായി അറിയപ്പെടുന്നു. മണ്ഡലം രൂപീകൃതമായതുമുതൽ യുഡിഎഫിനെയാണ് വോട്ടർമാർ വിജയിപ്പിച്ചുവരുന്നത് എന്നതും ശ്രദ്ധേയമാണ്.

വിവിധ സമൂഹവിഭാഗങ്ങളും പ്രൊഫഷണലുകളും മധ്യവർഗ്ഗക്കാരും അടങ്ങിയ വോട്ടർമാർക്കിടയിൽ യുഡിഎഫിന്റെ ശക്തമായ സ്വാധീനം തുടരുന്നതിന്റെ സൂചനകളാണ് നിലവിലെ ഫലസൂചനകൾ നൽകുന്നത്.