സംസ്ഥാന കൈത്തറി വികസന കോർപ്പറേഷൻ്റെ സ്നേഹോപഹാരം മന്ത്രി പി.കെ. കുഞ്ഞാലിക്കുട്ടിക്ക് കൈമാറി
തിരുവനന്തപുരം: കേരള സംസ്ഥാന കൈത്തറി വികസന കോർപ്പറേഷൻ്റെ സ്നേഹോപഹാരം സംസ്ഥാന വ്യവസായ വകുപ്പ് മന്ത്രി P. K. Kunhalikuttyയ്ക്ക് കൈമാറിയ നിമിഷം ഹൃദയത്തിൽ സൂക്ഷിക്കുന്ന പ്രത്യേക അനുഭവമായിരുന്നുവെന്ന് കോർപ്പറേഷൻ മുൻ ഡയറക്ടർ ജി. മഹീൻ അബൂബക്കർ പറഞ്ഞു.
മന്ത്രിയായതിന് ശേഷം ആദ്യമായി മന്ത്രി കുഞ്ഞാലിക്കുട്ടിയെ കണ്ടപ്പോഴുണ്ടായ ആത്മാർത്ഥമായ സ്വീകരണവും സൗഹൃദപരമായ സമീപനവും ഇന്നും മായാത്ത ഓർമ്മയായി നിലനിൽക്കുന്നതായും അദ്ദേഹം പറഞ്ഞു. ഉന്നതസ്ഥാനങ്ങളിലെത്തിയ ശേഷവും സൗഹൃദങ്ങളെ നെഞ്ചോടു ചേർത്ത് സൂക്ഷിക്കുകയും സ്വന്തം വകുപ്പിലെ ഉദ്യോഗസ്ഥർക്ക് പ്രത്യേക പരിഗണന നൽകുകയും പൊതുപ്രവർത്തകരോടൊപ്പം ഒരേ മനസ്സോടെ ഇടപെടുകയും ചെയ്യുന്ന അപൂർവ വ്യക്തിത്വമാണ് കുഞ്ഞാലിക്കുട്ടിയുടേതെന്നും അദ്ദേഹം അഭിപ്രായപ്പെട്ടു.
പദവികൾ ഉയരുമ്പോഴും മനുഷ്യബന്ധങ്ങളുടെ ചൂട് കൈവിടാതെ മുന്നേറുന്ന നേതാക്കളാണ് ജനഹൃദയങ്ങളിൽ സ്ഥിരമായി ഇടംനേടുന്നതെന്ന് ഈ കൂടിക്കാഴ്ച വീണ്ടും ബോധ്യപ്പെടുത്തിയ നിമിഷമായിരുന്നുവെന്നും ജി. മഹീൻ അബൂബക്കർ കൂട്ടിച്ചേർത്തു.
ഈ സ്നേഹനിമിഷത്തിൽ എസ്.ടി.യു ജില്ലാ പ്രസിഡന്റ് മംഗലപുരം ഷാജിയും ഹാൻവീവ് ലെയ്സൺ ഓഫീസർ താഹയും പങ്കെടുത്തു.
