സിദ്ധാര്ഥന്റെ ആത്മഹത്യ: പ്രതികളായ 19 വിദ്യാര്ഥികളെ കേരള വെറ്ററിനറി സര്വകലാശാല പുറത്താക്കി
പൂക്കോട് വെറ്ററിനറി സര്വകലാശാല വിദ്യാര്ഥി ജെഎസ് സിദ്ധാര്ഥന്റെ ആത്മഹത്യയിൽ പ്രതികളായ 19 വിദ്യാര്ത്ഥികളെ കേരള വെറ്ററിനറി സര്വകലാശാല പുറത്താക്കി.
19 വിദ്യാര്ത്ഥികള് കുറ്റക്കാരെന്ന് അന്വേഷണത്തില് കണ്ടെത്തിയെന്നും സര്വകലാശാല അറിയിച്ചു. വിദ്യാര്ത്ഥികള്ക്കെതിരായ നടപടി വെറ്ററിനറി സര്വകലാശാല ഹൈക്കോടതിയെ അറിയിച്ചിട്ടുണ്ട്.
സിദ്ധാര്ത്ഥന്റെ അമ്മ എംആര് ഷീബ നല്കിയ ഹര്ജിയിലാണ് മറുപടി നൽകിയിരിക്കുന്നത്. 19 പേര്ക്ക് മറ്റ് കാമ്പസുകളില് പ്രവേശനം നല്കിയത് ചോദ്യം ചെയ്താണ് സിദ്ധാര്ത്ഥന്റെ അമ്മ എംആര് ഷീബ ഹർജി നൽകിയിരുന്നത്.
2024 ഫെബ്രുവരി 18നാണ് പൂക്കോട് വെറ്ററിനറി സർവകലാശാലയിലെ രണ്ടാം വർഷ ബിവിഎസ്സി വിദ്യാർത്ഥിയും തിരുവനന്തപുരം സ്വദേശിയുമായ ജെ എസ് സിദ്ധാർത്ഥനെ താമസ സ്ഥലത്തെ ശുചിമുറിയിൽ ജീവനൊടുക്കിയ നിലയിൽ കണ്ടെത്തിയത്. മരിക്കുന്നതിന് ദിവസങ്ങൾക്ക് മുൻപ് സിദ്ധാർത്ഥൻ സഹപാഠികളുടെ അതിക്രൂര റാഗിങിന് ഇരയായിരുന്നു.
