ആന്റോ അഗസ്റ്റിനെതിരെ മുരളീധരൻ ആഞ്ഞടിച്ചു; ‘വലിയ വേദവാക്യങ്ങൾ വേണ്ട’
റിപ്പോർട്ടർ ടി.വി. മാനേജിങ് ഡയറക്ടർ ആന്റോ അഗസ്റ്റിന്റെ അറസ്റ്റും മറ്റ് രാഷ്ട്രീയ വിവാദങ്ങളും സംബന്ധിച്ച് മാധ്യമങ്ങളോട് പ്രതികരിച്ച് മന്ത്രി കെ. മുരളീധരൻ. ആന്റോ അഗസ്റ്റിന്റെ അറസ്റ്റിനെ മാധ്യമ സ്വാതന്ത്ര്യത്തിനെതിരെയുള്ള ആക്രമണമായി ചിത്രീകരിക്കേണ്ടതില്ലെന്ന് അദ്ദേഹം വ്യക്തമാക്കി.
ബെവ്കോയേക്കാൾ കൂടുതൽ മദ്യം ഇയാളുടെ കൈവശം ഉണ്ടായിരുന്നിട്ട് വലിയ വേദവാക്യങ്ങൾ പറയുന്നതിൽ അർത്ഥമില്ലെന്നും, മാധ്യമപ്രവർത്തനം തട്ടിപ്പുകൾ കാണിക്കാനുള്ള മറയല്ലെന്നും പറഞ്ഞ അദ്ദേഹം നിയമം അതിന്റെ വഴിക്ക് തന്നെ മുന്നോട്ട് പോകുമെന്നും കൂട്ടിച്ചേർത്തു.
പിണറായി വിജയനുമായി ബന്ധപ്പെട്ട ഇഡി അന്വേഷണത്തെക്കുറിച്ചുള്ള ചോദ്യത്തിന്, മുഖ്യമന്ത്രിയുമായി ആലോചിച്ച ശേഷമായിരിക്കും അന്തിമ തീരുമാനം എടുക്കുകയെന്ന് അദ്ദേഹം മറുപടി നൽകി. തിരഞ്ഞെടുപ്പ് സമയത്ത് രാഷ്ട്രീയ പാർട്ടികൾ സംഭാവനകൾ സ്വീകരിക്കുന്നത് സ്വാഭാവികമാണെങ്കിലും, യാതൊരു സേവനവും ചെയ്യാതെ മുഖ്യമന്ത്രിയുടെ പേര് ദുരുപയോഗം ചെയ്ത് പണം വാങ്ങുന്നത് വ്യക്തമായ അഴിമതിയാണെന്ന് അദ്ദേഹം കുറ്റപ്പെടുത്തി.
പിണറായി വിജയൻ മുഖ്യധാരയിൽ നിന്ന് മാറിയാൽ ഇവിടുത്തെ നേതാക്കൾ മുഹമ്മദ് റിയാസിനെതിരെ തിരിയുമെന്നും, അതുകൊണ്ടാണ് അദ്ദേഹം വിദേശത്ത് ബിസിനസിനെക്കുറിച്ച് ആലോചിക്കുന്നതെന്നും പരിഹസിച്ച മുരളീധരൻ, മന്ത്രിയെന്ന നിലയിൽ വിദേശപര്യടനം നടത്താൻ സർക്കാരിന്റെ മുൻകൂർ അനുമതി വേണമെന്നും ഓർമ്മിപ്പിച്ചു. കെ.എം. ഷാജിയുടെ കാർ വിവാദവുമായി ബന്ധപ്പെട്ട ചോദ്യത്തിന്, ആരെങ്കിലും പറയുന്നത് കേട്ട് പെട്ടെന്ന് പ്രതികരിക്കാനാവില്ലെന്നും രാജ്യത്ത് നിയമവാഴ്ചയുണ്ടെന്നും അദ്ദേഹം വ്യക്തമാക്കി.
