‘ഷോൺ ജോർജ് വെട്ടിലാക്കിയാൽ വീഴുന്നയാളല്ല ഞാൻ; ബിജെപിയിൽ ആകെ ഒരു മുരളീധരൻ മാത്രമാണോ?’
തിരുവനന്തപുരം: സിഎംആർഎൽ മുൻ എംഡി ശശിധരൻ കർത്തയുടെ ഡയറിയിലെ തന്റെ പേരുണ്ടെന്നത് നിഷേധിച്ച് ബിജെപി നേതാവും എംഎൽഎയുമായ വി മുരളീധരൻ. ഷോൺ ജോർജ് വെട്ടിലാക്കിയാൽ അതിൽ വീഴുന്ന ആളല്ല താനെന്നും മുരളീധരൻ വാർത്താസമ്മേളനത്തിൽ പറഞ്ഞു.
ആകെ ഒരു മുരളീധരൻ മാത്രമേ ബിജെപിയിൽ ഉള്ളോ? വേറെയും മുരളീധരന്മാരുണ്ട്. സിഎംആർഎല്ലിനെതിരെ സമരം നടത്തിയ വ്യക്തിയാണ് ഞാൻ. ഞാൻ പണം വാങ്ങിയിട്ടില്ല. ഏത് മുരളീധരനാണ് വാങ്ങിയതെന്ന് നിങ്ങൾ കണ്ടുപിടിക്ക്. ഷോൺ ജോർജ് വെട്ടിലാക്കിയാൽ അതിൽ വീഴുന്ന ആളല്ല ഞാൻ’- വി മുരളീധരൻ പറഞ്ഞു.എൻഫോഴ്സ്മെന്റ് ഏജൻസിയായ എസ്എഫ്ഐഒ കോടതിയിൽ സമർപ്പിച്ച രേഖകളാണ് ബിജെപി നേതാവായ ഷോൺ ജോർജ് പുറത്തുവിട്ടത്. സിഎംആർഎൽ മാനേജിംഗ് ഡയറക്ടർ ശശിധരൻ കർത്തയിൽ നിന്ന് പിടിച്ചെടുത്ത ഡയറിയിലെ സുപ്രധാന എൻട്രികൾ അടങ്ങിയ പേജാണ് ഷോൺ പങ്കുവച്ചത്.
എൽഡിഎഫ്, യുഡിഎഫ് പ്രമുഖ നേതാക്കളുടെ പേരുകളുള്ള പേജിൽ മുഖ്യമന്ത്രി വി ഡി സതീശന്റെ പേരുമുണ്ട്. അതിനാലാണ് മാസപ്പടി കേസിൽ പിണറായി വിജയനെതിരെ വിജിലൻസ് അന്വേഷണം പ്രഖ്യാപിക്കാത്തതെന്നും ഷോൺ ജോർജ് ആരോപിച്ചു.ഉമ്മൻ ചാണ്ടി, രമേശ് ചെന്നിത്തല, എംപി ഹൈബി ഈഡൻ, മുൻ മന്ത്രി കെ ബി ഗണേശ് കുമാർ, അന്തരിച്ച കോൺഗ്രസ് നേതാവ് ടി എം ജേക്കബ്, അൻവർ സാദത്ത്, ജോണി നെല്ലൂർ, ഷിബു ബേബി ജോൺ, പിണറായി, പന്ന്യൻ രവീന്ദ്രൻ, പി രാജീവ്, വി എസ് അച്ചു, സി കെ ചന്ദ്രപ്പൻ, എളമരം കരീം, ഗോവിന്ദൻ മാസ്റ്റർ, എസ് ശർമ്മ തുടങ്ങിയ നേതാക്കളുടെ പേരും ഷോൺ ജോർജ് പുറത്തുവിട്ട പേജിലുണ്ട്.
