‘കെ സി വേണുഗോപാലിനെ കണ്ട് നിയുക്ത മുഖ്യമന്ത്രി വിഡി സതീശൻ’ മുഖ്യമന്ത്രിപദ പ്രഖ്യാപനത്തിന് ശേഷം ആദ്യ സന്ദർശനം
തിരുവനന്തപുരം: മുഖ്യമന്ത്രി പ്രഖ്യാപനത്തിന് ശേഷമുള്ള നിർണായക രാഷ്ട്രീയ നീക്കങ്ങളുടെ ഭാഗമായി നിയുക്ത മുഖ്യമന്ത്രി വി. ഡി. സതീശൻ, എഐസിസി ജനറൽ സെക്രട്ടറി കെ. സി. വേണുഗോപാൽയുടെ വസതിയിലെത്തി കൂടിക്കാഴ്ച നടത്തി.
വഴുതക്കാട്ടെ രമേശ് ചെന്നിത്തലയുടെ വീട്ടിൽ സന്ദർശനം നടത്തിയതിന് പിന്നാലെയാണ് സതീശൻ കെസി വേണുഗോപാലിനെ കാണാൻ എത്തിയത്. ഇന്നലെ വൈകിട്ട് ദില്ലിയിൽ നിന്ന് തിരിച്ചെത്തിയ കെസി വേണുഗോപാലിനെ മുഖ്യമന്ത്രി പ്രഖ്യാപനത്തിന് ശേഷമുള്ള ആദ്യ കൂടിക്കാഴ്ചയിലാണ് സതീശൻ നേരിൽ കണ്ടത്.
മന്ത്രിസഭ രൂപീകരണവുമായി ബന്ധപ്പെട്ട തിരക്കിട്ട ചർച്ചകൾ പുരോഗമിക്കുന്നതിനിടെയാണ് ഈ സന്ദർശനം നടന്നത്. മുഖ്യമന്ത്രിയായി പ്രഖ്യാപിക്കപ്പെട്ടതിന് പിന്നാലെ മുതിർന്ന കോൺഗ്രസ് നേതാക്കളെ നേരിൽ കണ്ടു ആശയവിനിമയം നടത്തുന്നതിന്റെ ഭാഗമായാണ് ഈ നീക്കമെന്നാണ് രാഷ്ട്രീയ നിരീക്ഷകർ വിലയിരുത്തുന്നത്.
മന്ത്രിസഭ രൂപീകരണത്തിനുള്ള അന്തിമ ചർച്ചകൾ തുടരുന്നതിനിടയിൽ നടന്ന ഈ കൂടിക്കാഴ്ചയ്ക്ക് പ്രത്യേക രാഷ്ട്രീയ പ്രാധാന്യമുണ്ടെന്നാണ് വിലയിരുത്തൽ.
