രക്തസാക്ഷി മണ്ഡപത്തിൽ ആദരം അർപ്പിച്ച് ബിജെപി എംഎൽഎമാർ സത്യപ്രതിജ്ഞയ്ക്ക് നാളെ നിയമസഭയിലേക്ക്
തിരുവനന്തപുരം: ബിജെപി എംഎൽഎമാർ നാളെ നിയമസഭയിലേക്ക് സത്യപ്രതിജ്ഞയ്ക്കായി എത്തുന്നത് പാളയം രക്തസാക്ഷി മണ്ഡപത്തിൽ പുഷ്പാർച്ചന നടത്തിയ ശേഷമാകും. രാവിലെ 8 മണിക്ക് കെജി മാരാർ ഭവനിൽ നിന്ന് സംസ്ഥാന അധ്യക്ഷൻ Rajeev Chandrasekhar, V. Muraleedharan, B. B. Gopakumar എന്നിവർ സത്യപ്രതിജ്ഞാ ചടങ്ങിലേക്ക് പുറപ്പെടുമെന്ന് ബിജെപി വാർത്താക്കുറിപ്പിൽ അറിയിച്ചു.
രക്തസാക്ഷി മണ്ഡപത്തിലെ പുഷ്പാർച്ചനയ്ക്ക് ശേഷം ബിജെപി നേതാക്കളും പ്രവർത്തകരും അണിനിരക്കുന്ന പ്രകടനമായാകും എംഎൽഎമാർ നിയമസഭയിലെത്തുക. Kummanam Rajasekharan, P. K. Krishnadas, K. Surendran എന്നിവരോടൊപ്പം എൻഡിഎ നേതാക്കളായ ബി. ഗോപകുമാറും പദ്മകുമാറും പ്രകടനത്തിന് നേതൃത്വം നൽകും.
സത്യപ്രതിജ്ഞാ ചടങ്ങുകൾ സംസ്ഥാനത്തുടനീളം പ്രവർത്തകർ ആഘോഷപൂർവ്വം കൊണ്ടാടുമെന്ന് ബിജെപി സംസ്ഥാന ജനറൽ സെക്രട്ടറി അഡ്വ. എസ്. സുരേഷ് അറിയിച്ചു.
ഇതിനിടെ, നിയമസഭയിലെ ആദ്യ ബിജെപി അംഗമായ O. Rajagopalയെ സന്ദർശിച്ച് നിയുക്ത നേമം എംഎൽഎയായ രാജീവ് ചന്ദ്രശേഖർ അനുഗ്രഹം തേടി. തുടർന്ന് എൻഎസ്എസ് താലൂക്ക് യൂണിയൻ ആസ്ഥാനത്തെത്തി നേതാക്കളുമായും അദ്ദേഹം കൂടിക്കാഴ്ച നടത്തി.
നേമം മണ്ഡലത്തിലെ വിജയത്തിന്റെ ഭാഗമായി നാളെ വൈകിട്ട് എസ്റ്റേറ്റ് വാർഡ്, കരുമം വാർഡ്, കാലടി വാർഡ് എന്നിവിടങ്ങളിൽ ‘നന്ദി നേമം’ പരിപാടികളും സംഘടിപ്പിച്ചിട്ടുണ്ട്.
