എംവിഡി സേവനങ്ങൾ ഇനി ഓൺലൈനിൽ; ഓഫീസിൽ പോകേണ്ട, ഉദ്യോഗസ്ഥനുമായി വീഡിയോ കോളും

തിരുവനന്തപുരം: മോട്ടോർ വാഹന വകുപ്പ് 21 സേവനങ്ങൾ കൂടി ഓൺലൈൻ വഴിയാക്കി. അപേക്ഷയുമായി ഓഫീസുകളിൽ പോകേണ്ട കാര്യമില്ല. അപേക്ഷകർ ഏജന്റുമാരെ സമീപിക്കുന്നുവെന്നും ഏജന്റുമാർ അമിത നിരക്ക് ഈടാക്കുന്നുവെന്നുമുള്ള പരാതികൾ ഏറെ വർദ്ധിച്ചതിനെ തുടർന്നാണ് ഈ മാറ്റം. ഇതോടെ 60 സേവനങ്ങൾ ലഭിക്കാൻ ഓൺലൈൻ വഴി അപേക്ഷിച്ചാൽ മതിയാകും. ചില സേവനങ്ങൾക്ക് ഉദ്യോഗസ്ഥനുമായി സംസാരിക്കാൻ വീഡിയോ കാൾ സംവിധാനവും ഉപയോഗപ്പെടുത്താനാകും.