അനസ്തീഷ്യ നൽകിയതിന് പിന്നാലെ ഒന്നര വയസുകാരൻ മരിച്ച സംഭവം; അന്വേഷണം മെല്ലെപ്പോക്കെന്ന് കുടുംബം
കണ്ണൂർ: പയ്യന്നൂരിൽ അനസ്തീഷ്യ നൽകിയതിന് പിന്നാലെ ഒന്നര വയസുകാരൻ ദേവാൻഷ് ശൗര്യ മരിച്ച സംഭവത്തിൽ അന്വേഷണം വൈകുന്നതായി കുടുംബത്തിന്റെ പരാതി. ഇന്ന് കണ്ണൂരിലെത്തുന്ന ആരോഗ്യമന്ത്രി കെ. മുരളീധരനെ നേരിൽ കണ്ട് പരാതി നൽകാനാണ് കുടുംബത്തിന്റെ തീരുമാനം.
കുട്ടിക്ക് അനസ്തീഷ്യ നൽകിയ ഡോക്ടറെ മാത്രമാണ് നിലവിൽ കേസിൽ പ്രതി ചേർത്തിട്ടുള്ളത്. സംഭവത്തിൽ കൂടുതൽ ഡോക്ടർമാരെ പ്രതി ചേർക്കുന്നതിന് സംസ്ഥാനതല വിദഗ്ധ സമിതിയുടെ റിപ്പോർട്ട് ലഭിക്കാത്തതാണ് തടസമെന്നാണ് പയ്യന്നൂർ പൊലീസിന്റെ വിശദീകരണം.
ജൂലൈ 10നാണ് ചികിത്സയ്ക്കിടെ ദേവാൻഷ് ശൗര്യ മരിച്ചത്. സംഭവത്തിൽ അന്വേഷണം പുരോഗമിക്കുകയാണെങ്കിലും നിലവിൽ അനസ്തീഷ്യ നൽകിയ ഡോക്ടർ മാത്രമാണ് പ്രതി. സംസ്ഥാനതല വിദഗ്ധ സമിതിയുടെ റിപ്പോർട്ട് ലഭിച്ച ശേഷമേ കൂടുതൽ നടപടികൾ സ്വീകരിക്കാൻ കഴിയൂവെന്നാണ് പൊലീസ് വ്യക്തമാക്കുന്നത്.
അതേസമയം, അന്വേഷണം നീണ്ടുപോകുന്നതിൽ ആശങ്ക പ്രകടിപ്പിച്ചാണ് കുടുംബം ആരോഗ്യമന്ത്രിയെ നേരിൽ കാണുന്നത്. സംഭവത്തിൽ ഉത്തരവാദികളായ എല്ലാവർക്കുമെതിരെ നടപടി വേണമെന്നാണ് കുടുംബത്തിന്റെ ആവശ്യം.
