ദില്ലി:രാജ്യത്ത് കൊവിഡ് കേസുകൾ ഉയരുകയാണ്. ആക്റ്റീവ് കേസുകൾ 3395 ആയി. ഏറ്റവും കൂടുതൽ കേസുകൾ കേരളത്തിൽ ആണ് ഉള്ളത്. 1336 കേസുകളാണ് കേരളത്തിൽ റിപ്പോർട്ട്‌ ചെയ്തത് . 24 മണിക്കൂറിനുള്ളിൽ 4 കൊവിഡ് മരണം രാജ്യത്ത് റിപ്പോർട്ട്‌ ചെയ്തത്.ദില്ലി, ഗുജറാത്ത്‌, ബംഗാൾ തമിഴ് നാട് മഹാരാഷ്ട്ര എന്നിവിടങ്ങളിലും കേസുകൾ ഉയർന്നതായാണ് റിപോർട്ടുകൾ സൂചിപ്പിക്കുന്നത്.
AlsoRead:ഓപ്പറേഷന്‍ സിന്ദൂറിനിടെ പാകിസ്താൻ ഇന്ത്യയുടെ യുദ്ധവിമാനങ്ങള്‍ വെടിവെച്ചിട്ടു: സംയുക്ത സൈനിക മേധാവി
സാഹചര്യങ്ങൾ നിയന്ത്രണവിധേയമാണെന്നും പരിഭ്രാന്തരാകേണ്ട ആവശ്യമില്ലെന്നും ആരോഗ്യ മന്ത്രാലയം അറിയിച്ചു. കേരളത്തിൽ ഏറ്റവും കൂടുതൽ കേസുകൾ രജിസ്റ്റർ ചെയ്തത് സംസ്ഥാനം കൂടുതൽ പരിശോധനകൾ നടത്തിയതുകൊണ്ടാകാമെന്നും ചൂണ്ടിക്കാണിക്കപ്പെടുന്നു. പനി, മൂക്കൊലിപ്പ്, തൊണ്ടവേദന, തലവേദന, ക്ഷീണം എന്നിവയാണ് പ്രധാനമായും കൊവിഡ് ലക്ഷണങ്ങൾ.