തിരുവനന്തപുരത്ത് വീട്ടിൽ രഹസ്യ അറയിൽ സൂക്ഷിച്ച കഞ്ചാവും എം ഡി എം എയും പിടിച്ചെടുത്തു
തിരുവനന്തപുരം: വീട്ടിൽ രഹസ്യ അറ നിർമിച്ച് സൂക്ഷിച്ചിരുന്ന കഞ്ചാവ് പിടിച്ചെടുത്തു. തിരവനന്തപുരം ചാക്കയിൽ നിന്നാണ് സ്റ്റേറ്റ് എക്സൈസ് എൻഫോഴ്സ്മെന്റ് സ്ക്വാഡ് നടത്തിയ പരിശോധനയിലാണ് മയക്കുമരുന്ന് പിടിച്ചത്. യുവാവിനെ കസ്റ്റഡിയിൽ എടുത്തു.
AlsoRead:നിലമ്പൂരിൽ സമ്മർദ്ദം ശക്തമാക്കി തൃണമൂൽ; കൂറ്റൻ ഫ്ലക്സ് ബോർഡുകൾ സ്ഥാപിച്ചു; പിവി അൻവർ തുടരുമെന്ന് പ്രഖ്യാപനം
രഹസ്യ അറയിൽ സൂക്ഷിച്ചിരുന്ന 12 കിലോ കഞ്ചാവും എം ഡി എം എയും പരിശോധനയിൽ പിടിച്ചെടുത്തു. ഒപ്പം തന്നെ പരിശോധനയിൽ എം ഡി എം എ അളക്കാൻ ഉപയോഗിക്കുന്ന ഡിജിറ്റൽ ഉപകരണങ്ങളും കണ്ടെത്തി.
ചാക്കയിലെ വീട്ടിൽ നിന്നാണ് കഞ്ചാവും എം ഡി എം എയും പിടിച്ചത്. ചാക്ക സ്വദേശി അനീഫ് ഖാൻ എക്സൈസ് എൻഫോഴ്സ്മെന്റ് സ്ക്വാഡിന്റെ പിടിയിലായി. ഇയാളുടെ വീടിനുള്ളിൽ രണ്ട് രഹസ്യ അറകളും പരിശോധനയിൽ കണ്ടെത്തി.
