ആരോഗ്യവകുപ്പിൽ പ്രശ്നങ്ങളുടെ പെരുമഴയെന്ന് പി.കെ. ശ്രീമതി! മന്ത്രി കെ. മുരളീധരനെതിരെ വിമർശനം
സംസ്ഥാന ആരോഗ്യമന്ത്രി കെ. മുരളീധരനെതിരെ രൂക്ഷ വിമർശനവുമായി മുൻ ആരോഗ്യവകുപ്പ് മന്ത്രിമാരായ പി.കെ. ശ്രീമതി, കെ.കെ. ശൈലജ, വീണാ ജോർജ് എന്നിവർ രംഗത്തെത്തി. പുതിയ ആരോഗ്യമന്ത്രി എല്ലാം വളരെ നിസ്സാരമായി കാണുന്ന ആളാണെന്നും, അദ്ദേഹം ചുമതലയേറ്റെടുത്തത് മുതൽ തന്നെ വകുപ്പിൽ പ്രശ്നങ്ങൾ ആരംഭിച്ചുവെന്നും പി.കെ. ശ്രീമതി തുറന്നടിച്ചു.
മുൻ എൽ.ഡി.എഫ്. സർക്കാരുകളുടെ കാലത്ത് ആരോഗ്യമേഖലയിൽ അഭിമാനകരമായ നേട്ടങ്ങളാണ് കൈവരിച്ചതെന്നും, കഴിഞ്ഞ പത്ത് വർഷക്കാലം ഏവർക്കും അഭിമാനിക്കാൻ കഴിയുന്ന തരത്തിലുള്ള വളർച്ചയാണ് ഈ മേഖലയിൽ ഉണ്ടായിരുന്നതെന്നും അവർ ഓർമ്മിപ്പിച്ചു.
വിമർശനങ്ങളെ ഒരിക്കലും വിദ്വേഷത്തോടെ നോക്കിക്കണ്ടിട്ടില്ലെന്നും, ജനങ്ങളോടുള്ള പ്രതിബദ്ധത മാത്രമാണ് തങ്ങൾ നിർവ്വഹിച്ചതെന്നും അവർ വ്യക്തമാക്കി. കഴിഞ്ഞ വർഷങ്ങളിൽ സർക്കാർ ആശുപത്രികളുടെ അന്തരീക്ഷവും സാഹചര്യങ്ങളും പൂർണ്ണമായും മാറിമറഞ്ഞിരുന്നു. എന്നാൽ പുതിയ ആരോഗ്യമന്ത്രി എല്ലാ കാര്യങ്ങളെയും നിസ്സാരവൽക്കരിക്കുകയാണ് ചെയ്യുന്നത്. മുൻപ് യു.ഡി.എഫിനെ പിന്തുണച്ചിരുന്ന മാധ്യമങ്ങൾ പോലും ഇപ്പോൾ ആരോഗ്യവകുപ്പിനെ നിശിതമായി വിമർശിക്കുന്നത് വസ്തുതകളുടെ അടിസ്ഥാനത്തിലാണെന്നും കാതലായ വിമർശനങ്ങളാണ് ഉയരുന്നതെന്നും പി.കെ. ശ്രീമതി കൂട്ടിച്ചേർത്തു.
സംസ്ഥാനത്തെ പല സർക്കാർ ആശുപത്രികളിലും നിലവിൽ ഡോക്ടർമാരുടെ സേവനമോ ആവശ്യത്തിന് മരുന്നുകളോ ലഭ്യമല്ലാത്ത അവസ്ഥയാണുള്ളത്. നീതിബോധത്തോടെ വേണം ഇത്തരം കാര്യങ്ങളിൽ തീരുമാനങ്ങളെടുക്കാൻ എന്നും, സർക്കാരിന്റെ ഭാഗത്തുനിന്നുണ്ടായ പല അനാവശ്യ നടപടികളും തിരുത്തേണ്ടി വരികയാണെന്നും അവർ മാധ്യമങ്ങളോട് പറഞ്ഞു.
