ഡൽഹി ഹോട്ടലിൽ വൻ തീപിടിത്തം; 10 മരണം, നിരവധി പേർക്ക് പരിക്ക്
ന്യൂഡൽഹി: രാജ്യതലസ്ഥാനമായ ഡൽഹിയിലെ ഹോട്ടലിലുണ്ടായ വൻ തീപിടിത്തത്തിൽ പത്തുപേർ മരിച്ചു. നിരവധി പേർക്ക് പരിക്കേറ്റതായും റിപ്പോർട്ടുകളുണ്ട്. ഇന്ന് രാവിലെ 8.50ഓടെയാണ് സംഭവം.
ഡൽഹിയിലെ മാളവ്യ നഗർ മേഖലയിലുള്ള ലെമൺ ഗ്രീൻ റെസ്റ്റോറന്റിലാണ് തീപിടിത്തമുണ്ടായത്. തീ വേഗത്തിൽ പടർന്നതോടെ ഹോട്ടലിനുള്ളിൽ ഉണ്ടായിരുന്നവർ കുടുങ്ങിപ്പോയെന്നാണ് പ്രാഥമിക വിവരം. അഗ്നിരക്ഷാസേനയും രക്ഷാപ്രവർത്തകരും സ്ഥലത്തെത്തി രക്ഷാപ്രവർത്തനം നടത്തി.
പരിക്കേറ്റവരെ സമീപത്തെ ആശുപത്രികളിലേക്ക് മാറ്റിയിട്ടുണ്ട്. ചിലരുടെ നില ഗുരുതരമാണെന്നാണ് റിപ്പോർട്ട്. തീപിടിത്തത്തിന്റെ കാരണം വ്യക്തമല്ല. സംഭവത്തെ തുടർന്ന് പ്രദേശത്ത് സുരക്ഷാ ക്രമീകരണങ്ങൾ ശക്തമാക്കിയിട്ടുണ്ട്.
തീപിടിത്തത്തിന്റെ സാഹചര്യവും മരണസംഖ്യയും സംബന്ധിച്ച് കൂടുതൽ വിവരങ്ങൾ പുറത്തുവരാനിരിക്കുകയാണ്. അധികൃതർ അന്വേഷണം ആരംഭിച്ചിട്ടുണ്ട്.
