ആര് മന്ത്രിയാകും, ആര് പുറത്ത്? V. D. Satheesan ക്യാബിനറ്റിൽ നിർണായക ദിവസം ഇന്ന്
തിരുവനന്തപുരം: V. D. Satheesan നേതൃത്വത്തിലുള്ള പുതിയ മന്ത്രിസഭയുടെ അന്തിമ പട്ടിക ഇന്ന് ഉച്ചയോടെ തീരുമാനിക്കുമെന്നാണ് സൂചന. ഗവർണർക്ക് പട്ടിക കൈമാറാനുള്ള സമയപരിധി അടുത്തതിനാൽ, ഘടകകക്ഷികളുമായും കോൺഗ്രസിനകത്തുമായും നിലനിൽക്കുന്ന തർക്കങ്ങൾ പരിഹരിക്കാൻ കോൺഗ്രസ് നേതൃത്വം തിരക്കിട്ട നീക്കങ്ങളിലാണ്.
കോൺഗ്രസിൽ നിന്ന് Ramesh Chennithala ഉൾപ്പെടെ എട്ട് പേർക്ക് മന്ത്രിസ്ഥാനം ഉറപ്പായെന്നാണ് സൂചന. M. Liju, Chandy Oommen, Bindu Krishna, Sunny Joseph, K. Muraleedharan, P. C. Vishnunath, A. P. Anil Kumar എന്നിവരും മന്ത്രിസഭയിൽ ഇടംപിടിക്കുമെന്നാണ് വിവരം.
മന്ത്രിസഭാ രൂപീകരണത്തിൽ തനിക്കൊപ്പമുള്ളവർക്കും പ്രാതിനിധ്യം വേണമെന്ന നിലപാടിലാണ് ചെന്നിത്തല. Anwar Sadath, I. C. Balakrishnan എന്നിവർക്ക് മന്ത്രിസ്ഥാനം നൽകണമെന്നതാണ് അദ്ദേഹത്തിന്റെ ആവശ്യം. ഇത് സാധ്യമല്ലെങ്കിൽ Kerala Pradesh Congress Committee അധ്യക്ഷ സ്ഥാനം വേണമെന്നും, ആവശ്യങ്ങൾ അംഗീകരിക്കാത്ത പക്ഷം മന്ത്രിസഭയിൽ ചേരില്ലെന്നും ഹൈക്കമാൻഡിനെ അറിയിച്ചതായാണ് വിവരം.
പ്രശ്നപരിഹാരത്തിനായി കഴിഞ്ഞ ദിവസം V. D. Satheesan, K. C. Venugopal, K. Sudhakaran എന്നിവർ ചെന്നിത്തലയുടെ വസതിയിലെത്തി ചർച്ച നടത്തി. അതേസമയം ഘടകകക്ഷികളായ Kerala Congress (Joseph), Anoop Jacob, Mani C. Kappan എന്നിവരുമായും ധാരണയായിട്ടില്ല.
P. J. Joseph രണ്ട് മന്ത്രിസ്ഥാനം വേണമെന്ന ആവശ്യം ശക്തമായി ഉന്നയിക്കുന്നുണ്ട്. എന്നാൽ ഒരു മന്ത്രിസ്ഥാനവും ഡെപ്യൂട്ടി സ്പീക്കർ പദവിയും നൽകാമെന്നാണ് കോൺഗ്രസിന്റെ നിർദ്ദേശം. ഇതിൽ ജോസഫ് ഇതുവരെ അനുകൂല നിലപാട് എടുത്തിട്ടില്ല.
അനൂപ് ജേക്കബിനും മാണി സി. കാപ്പനും അഞ്ച് വർഷ കാലാവധി രണ്ടര വർഷം വീതം പങ്കിട്ട് നൽകാമെന്ന ഫോർമുലയും മുന്നോട്ടുവെച്ചെങ്കിലും ഇരുവരും അതു തള്ളിയിട്ടുണ്ട്. പട്ടിക ഗവർണർക്ക് കൈമാറാൻ മണിക്കൂറുകൾ മാത്രം ബാക്കി നിൽക്കെ, കോൺഗ്രസിന്റെ അനുനയ ശ്രമങ്ങൾ ഫലിക്കുമോ എന്നതാണ് രാഷ്ട്രീയ കേരളം ഉറ്റുനോക്കുന്നത്.
