വിഴിഞ്ഞം ഓഹരി കൈമാറ്റത്തിലും ധനബില്ലിലും രൂക്ഷ വിമർശനം; സർക്കാരിനെതിരെ Pinarayi Vijayan
തിരുവനന്തപുരം: വിഴിഞ്ഞം തുറമുഖത്തിലെ അദാനി-എംഎസ്സി ഓഹരി കൈമാറ്റം നിയമവിരുദ്ധമാണെന്ന് ആരോപിച്ച് Pinarayi Vijayan രംഗത്ത്. 25 ശതമാനത്തിൽ അധികം ഓഹരി കൈമാറ്റം നടത്തണമെങ്കിൽ സംസ്ഥാന സർക്കാരിന്റെ മുൻകൂർ അനുമതി നിർബന്ധമാണെന്നും, കരാറിലെ വ്യവസ്ഥകൾ ലംഘിച്ചാണോ ഇടപാട് നടന്നതെന്ന് വ്യക്തമാക്കണമെന്നും അദ്ദേഹം ആവശ്യപ്പെട്ടു.
ജൂൺ 29-ന് തന്നെ കരാർ ഒപ്പുവെച്ചതായി ചൂണ്ടിക്കാട്ടിയ അദ്ദേഹം, സംസ്ഥാന സർക്കാരിന്റെ അറിവോടെയാണോ നീക്കമെന്ന ചോദ്യവും ഉയർത്തി. വലിയ വിദേശ നിക്ഷേപമെന്ന രീതിയിൽ പ്രചരിപ്പിക്കപ്പെടുന്ന ഈ ഇടപാട് യാഥാർത്ഥ്യത്തിൽ Adani Group ന് ലാഭമുണ്ടാക്കാനായുള്ളതാണെന്നും അദ്ദേഹം വിമർശിച്ചു.
ധനകാര്യ ബില്ലുമായി ബന്ധപ്പെട്ടും സർക്കാരിനെതിരെ അദ്ദേഹം രൂക്ഷ വിമർശനം ഉന്നയിച്ചു. പുതിയ ബജറ്റിന്റെ ഷെഡ്യൂളിൽ ധനകാര്യ ബിൽ ഉണ്ടായിരുന്നില്ലെന്നും, മദ്യ നികുതി ഘടനയിലെ മാറ്റം തുടക്കത്തിൽ പരിഗണനയിലില്ലായിരുന്നുവെന്നും അദ്ദേഹം ആരോപിച്ചു. പിന്നീട് മദ്യ കമ്പനികൾക്ക് ഗുണം ലഭിക്കാനായി ധനകാര്യ ബിൽ തിരുകിക്കയറ്റിയതാണെന്നും പറഞ്ഞു.
ക്രമവിരുദ്ധമായി ധനബിൽ വേഗത്തിൽ പാസാക്കാൻ സർക്കാർ ശ്രമിച്ചതിന് പിന്നിൽ നിക്ഷിപ്ത താൽപര്യമുണ്ടെന്ന് ആരോപിച്ച Pinarayi Vijayan, മദ്യ കമ്പനികൾക്ക് നികുതിയിളവ് നൽകാനാണ് ഈ നീക്കമെന്നും വ്യക്തമാക്കി. സബ്ജക്റ്റ് കമ്മിറ്റി പരിശോധനയ്ക്കുള്ള സമയമോ അവസരമോ നൽകിയില്ലെന്നും അദ്ദേഹം കുറ്റപ്പെടുത്തി.
മദ്യ നികുതി ഇളവിനെതിരെ മത-സാമുദായിക നേതാക്കളിൽ നിന്നടക്കമുള്ള എതിർപ്പുകൾ ഉയർന്നിട്ടും സർക്കാർ അത് അവഗണിച്ചുവെന്നും അദ്ദേഹം ആരോപിച്ചു. വിഷയത്തിൽ സർക്കാർ സ്വീകരിക്കുന്ന നിലപാടുകൾ കേരളത്തിന്റെ താൽപര്യത്തിന് അനുകൂലമല്ലെങ്കിൽ ശക്തമായി എതിർക്കുമെന്നും Pinarayi Vijayan വ്യക്തമാക്കി.
