കൊല്ലം കടയ്ക്കലിൽ കോൺഗ്രസ് അതിക്രമം; സിപിഐ എം ബ്രാഞ്ച് സെക്രട്ടറിക്ക് കുത്തേറ്റു
കൊല്ലം കടയ്ക്കലിൽ സിപിഐ എം പ്രവർത്തകർക്ക് നേരെ കോൺഗ്രസ് അക്രമം. ആക്രമണത്തിൽ സിപിഐ എം ബ്രാഞ്ച് സെക്രട്ടറിക്ക് കുത്തേറ്റു.
കാറ്റാടിമൂട് ബ്രാഞ്ച് സെക്രട്ടറി വിധുനാണ് കുത്തേറ്റത്. ഡിവൈഎഫ്ഐ കടയ്ക്കൽ നോർത്ത് മേഖലാ സെക്രട്ടറി അരുൺ, ശ്രീകുമാർ, നിഷാന്ത്, പ്രജിത്ത് എന്നിവർക്കും ആക്രമണത്തിൽ പരിക്കേറ്റു.
കോൺഗ്രസ് – യൂത്ത് കോൺഗ്രസ് – കെ.എസ്.യു പ്രതിഷേധ മാർച്ചിനിടെയായിരുന്നു സംഘർഷം അഴിച്ചുവിട്ടത്. കടയ്ക്കൽ പ്രദേശത്തെ സ്കൂളുകളിൽ നടന്ന സ്കൂൾ പാർലമെൻ്റ് തെരഞ്ഞെടുപ്പുമായി ബന്ധപ്പെട്ട തർക്കമാണ് സംഘർഷത്തിൽ കലാശിച്ചത്.
പരിക്കേറ്റവരെ കടയ്ക്കൽ പ്രാഥമികാശുപത്രിയിൽ പ്രവേശിപ്പിച്ചു. കുത്തേറ്റ വിഥുനെ കടയ്ക്കലിലെ സ്വകാര്യ ആശുപത്രിയിലും പ്രവേശിപ്പിച്ചു.
